Ассаламу алайкум устоз!!! Мени қийнайдиган битта савол бор эди. Илтимос шунга тўлиқ жавоб ёзишингизни сўранаман?
Мен ҳаётимда бир инсонни учратдим. У киши жуда ҳам тақволи. Беш вақт намоз ўқийди ва Аллоҳ таолонинг фарзларини яхши бажаради. У менга Аллоҳнинг тўртта Буюк китобларини ўқиб амал килиш кераклиги ҳақида айтди. Лекин мен олдинги китоблар ўзгариб кетганлигини ва уларни ўқимаслигимни айтдим. Бирок у менга Қуръони каримдан олдинги китобларнинг йўк бўлиб кетмаганлиги ва ўзгармаганлиги ҳақида далиллар келтириб, кўрсатиб берди. Шундан кейин мен Куръони каримнинг ўзбекча таржималарини батафсил охиригача ўқиб чикдим. Бироқ у ерда ҳеч қанақа олдинги Уч китобнинг ўзгариб кетгани ҳақида ёзилмаган. Аксинча у китобларга иймон келтириш, ва уларга амал килиш ҳақида ёзилган. Яна Аллоҳ Таолонинг гапларини ҳеч ким ўзгартира олмаслиги ҳақида ҳам ёзилган. Бу таржима шайх Аллоуддин Мансур хазратлариники эди. Лекин бизда домлаларимиз олдинги уч китобнинг ўзгариб кетганлари ва уларнинг бирорта ҳам асли нусхалари қолмаганлиги ҳақида айтаяпти. Лекин Қуръонга қарасак, уларни ўқишимиз ва уларга амал қилишимиз ҳақида ёзилган. Бу ҳақида домлаларимизга савол берганимда улар биз инсонлар Қуръонга тушунмасликларимизни айтишади.
Бу ҳақида нима дейсиз? Илтимос ёрдам беринг!!!!?