Якиндагина Огайо штатида АКШ нинг турли шахарларидан келган Евангелие черковлари (насронийликнинг Инжилга асосланган мазхабларидан бири) вакиллари бир кунлик семинар ўтказишди. Кун тартибида биргина - "Мусулмонларни кандай килиб насронийликка жалб килиш мумкин?" деган масала бор эди. Бу хакда "Ислам онлайн" сайти хабар таркатган.
"Нью-Йорк таймс" жаридасининг маълум килишича, "Жануби-гарбий биродарлик химмати черкови" да ўтказилган йигилишда асосан Байрутдан келган миссионер маъруза ўкиган. У мусулмонлар билан кандай иш олиб бориш кераклиги хусусида ўтирганларга маслахат берган.
"Мусулмонларнинг гурухи олдида даъват килмангиз. Уларни ўз черковларингизга олиб келишга уринманг. У ерда улар кўшик куйлаш хамда чапак чалиш ва оёкларни тапиллатиш билан амалга ошириладиган ибодатни нотўгри кабул килишлари мумкин. Уларни кечки овкатга уйингизга таклиф килинг. Уларни шоколадли пишириклар билан мехмон килинг ва нажот топиш учун улар Исо Масихни кабул килишлари лозимлигини айтинг", - дея укдиради миссионер. Шунингдек, мусулмонларга Инжил совга килишнинг зарурлиги хакида хам гапирилган.
Анжуман доирасида берган ўз интервьюларида миссионерлар нима нарса уларда Исломга нисбатан бундай катта кизикиш уйготгани хакида очик-ойдин гапиришган.
Авваламбор - бу Хусайн хокимиятининг тор-мор этилиши. Бунинг окибатида кадимги исломий анъаналарга эга Ирокдек давлат жиловланмаган америка-миссионерлик экспансияси учун деярли батамом очилиб колди. Айни пайтда бошка мусулмон давлатлари бундай харакат учун аввалгидек ёпиклигича колмокда. Бундан ташкари, 11 сентябр вокеаларидан сўнг кўпчилик америкаликлар Исломда оламшумул хавфни кўришаяпти.
Бутун мамлакат бўйлаб 40 минг жамоани бирлаштирувчи Инжил насронийлари миллий ассоциациясининг вице-президенти Ричард Чижик: "Инжил насронийлари учун бугунги кунда Ислом Совет Иттифокининг ўрнини эгаллади. Мусулмонлар - бу бугунги кундаги зулм империясининг эквивалентидир", - дея таъкидлади.
Америка жаридасининг маълум килишича, хозирда бутун мамлакат бўйлаб Инжил черковларида ва йигинларида маърузалар ўтказилмокда ва адабиётлар таркатилмокда. Буларда Исломга нисбатан душманона мавкедан туриб каралади ва мусулмонларни насронийликка жалб килиш бўйича стратегия берилади. Шунингдек, бундай лойихалар учун катта пуллар ажратилаётгани хам маълум. "Халкаро араб хизмати" номли шундай йўналишга ихтисослашган ташкилот сўнгги икки йилдан хам камрок вакт ичида 4500 америкалик миссионерни мусулмонлар орасида иш олиб бориш учун махсус ўкитган. Консерватив инжилчилар турли ташкилотларни, шу жумладан Бутунжахон Черковлар Кенгашини хам унинг мусулмонлар билан "содда" мулокот олиб бораётгани ва бу мулокотларда хозирда мавжуд сиёсий хамда диний тафовутлардан кочишга урингани учун каттик танкид килишмокда. Фрэнк Грэм, Жерри Фалуэл, Пат Робертсон ва Жерри Вайнс каби "инжилчиларнинг" кўпол аксилисломий мусика асарлари эса хаммага маълум. Бу пассажлар нафакат мусулмонларнинг, балки баъзи насронийларнинг хам газабини келтирган эди.
Албатта бутун Америка бундай фикрламайди. Чунончи, баъзи протестант ва православ черковларини бирлаштирувчи Миллий Черковлар Кенгашининг мавкеи бунинг тамомила аксидир. Ушбу кенгашга кирувчи черковлар насронийлик билан Ислом ўртасидаги тафовутларни тан олишади, аммо шу билан бирга уларнинг умумий илдизга эга эканини ва таргиб киладиган таълимотларининг маъниси бўйича ўзаро мос келишини хам таъкидлашади. Улар очикдан-очик "мусулмонлар - якка Худога ишонувчилар, Аллох - Худонинг араб тилидаги исми эканини хамда мусулмонларда ва насронийларда ягона пайгамбар - Авраам (Иброхим алайхиссалом) борлигини" таъкидлашади.
"Болалигимда Покистонда мен католик ва протестант миссионерлик мактабларига бориб турардим, - дейди Америка Университетининг исломшунослик кафедраси мудири Ахмад Акбар. - Аммо хеч качон ўз ўкитувчиларимдан Ислом хакида биронта хам ёмон сўз эшитмаганман. Бугун биз яна Исломга нисбатан душманлик хусусияти пайдо бўлаётганини ва Аллохнинг мархаматига сазовор бўлган Пайгамбарга таъна ёгдирилаётганини кўраяпмиз".
"Бугунги кунда барча мусулмонлар - консерваторлардан тортиб то либерал-секуляристларгача - америкалик "инжилчи насронийлар" томонидан бўладиган хавф олдида бирлашишлари лозим", - дейди "Ислом куршовда" китобининг муаллифи Ахмад Акбар.